Ave, futura sit sub terra

Os romanos foron os grandes mestres da enxeñaría e do deseño urbanístico na antigüidade. Tódalas urbes de consideración fundáronse a partir do cardo e do decumano, dúas rúas máximas que se cruzaban perpendicularmente para logo ir desenrolando unha expansión en cuadrículas perfectas.

No eixo cardo e decumano concentrábanse os principais edificios públicos, procurando pavimentar ditos vieiros de tránsito co fin de embelecer o entorno, redundar na hixiene, mellorar as comunicacións e favorecer o comercio o cal incluía o aparcamento das carrozas.   

O empedrado das rúas era un dos factores fundamentais para medir o desenrolo das cidades na Idade Antiga. Supoño que Tide, enclave destacado na vía Bracara (Braga) – Asturica (Astorga), non defraudou posto que na Corredoira atopáronse indicios arqueolóxicos do empedrado da chamada Via XIX.  

Os carromatos pasaban e aparcaban nese entorno para as súas transaccións comerciais, lúdicas, administrativas etc…  e por suposto, debido a baixa densidade de poboación e ao saber dos romanos non creo que Tide tivese problemas de aparcamento.

Lamentablemente os avatares da historia e a falta de visión urbanística dos nosos dirixentes, sobre todo na época do desenrolo desaforado, converteron o Tui actual nun espazo urbanístico achicado, con un afogamento no seu trafico por carencia de conectividade entre o norte e o sur da cidade  e unha ausencia arrepiante de aparcamento de calidade.

Por fin, baixo o mandado e xestión do presente alcalde (quen equivalería o dunviro romano)  o problema de conectividade vai solucionarse ca apertura da Rúa Ourense. Isto é unha realidade.

No obstante, o entorno do cardo tudense sigue asolado polo feismo e pola inoperancia. O gran torreiro que linda ca Área Panorámica e o Centro de Saúde presenta un aspecto terceiromundista.

Un urbanista romano o consideraría un enclave idóneo para situar o “foro”, ou sexa, unha especie de lugar de esparexemento da nosa era.  E así está proxectado polo noso actual alcalde, co concepto urbanístico de “Zona Verde Zonificada”.

Por outra banda,  nos nosos tempos modernos, agora si,  temos un problema de densidade de vehículos, así que considero que inapelablemente o baixo terra do foro debería  aproveitarse  como aparcamento, se ben C21 pode estar aberto a unha proposta europea de Parking exterior noutro terreo cercano o centro, o que por outra banda sería máis ecolóxico polo tema de emisións. Sen embargo, estas duas opcións que resultan un axioma para todos os cidadáns de Tui, xamais se levaron a cabo, nin sequera con unha teórica iniciativa política nun pleno, mais aló das consabidos brindes o sol de moitos que pasaron polo concello sen compromiso real neste ámbito.

Unha vez máis, é Converxencia XXI (21), liderando a este equipo de Goberno, quen, en tan so un ano e medio de mandato, rompe unha lanza pola modernidade e plantexa a construción dun parking (neste caso subterráneo) na Área Panorámica, con capacidade para case trescentos vehículos, o cal solucionaría en gran medida as deficiencias do aparcamento en Tui, beneficiando o desenrolo social e mercantil.  Podemos contemplalo neste enlace: Proxecto.   

O noso Alcalde Carlos Vázquez Padín o propuxo no pleno de outubro (2018) pero a oposición en maioría (ao meu xuízo, e o digo con todo o respecto, incompresiblemente) rexeitou a proposta alegando que o parking non debe ser privado senón público, o cal eu non comparto polo tremendo desembolso que suporía para os contribuíntes, sobre todo tendo en conta as limitacións do orzamento global do Concello de Tui. Tampouco estou a favor de que as entidades públicas asuman este tipo de aventuras financeiras porque o cartos públicos teñen outras prioridades onde o capital privado no é quen de intervir, como cuestións administrativas ou de caracter social, educativo ou cultural.      

Agora o noso “Dunviro” volve a presentar o tema tras o período que tiveron os membros da corporación para reflexionar sobre o asunto. Creo honestamente que deberían pensar se é coherente ter semellante inmundicia de terra destinada o caos no medio da cidade. Imaxínense a “Calle Castellana” de Madrid, en fronte os ministerios de Defensa, Economía ou Industria cun torreiro para que os ministros, funcionarios do Estado e usuarios tirasen os coches de calquera maneira, e a Alcaldesa Sra. Carmena mandando unha pala de vez en cando a tapar buratos.  Sería o faime rir de Europa.

En Madrid hai parkings privados subterráneos dende fai moitos anos e a Vigo chegaron nos 90. Algún poderá alegar que son grandes cidades, pero Redondela e Porriño, por exemplo, vilas moi próximas, tamén teñen aparcamentos baixo terra e non lles vai nada mal a usuarios e  comerciantes, incluso a os residentes.   

Ningún tudense quere que o centro de Tui siga sendo un “hazmereir”.  Podemos acabar dunha soa atacada co feismo e cas deficiencias urbanísticas do noso enclave funcional e conducir a nosa cidade ata o futuro.

Ave Dunviro Padinus, futura sit sub terra.