Dous non bailan cando un non quere. A Xunta bailou con nos e o Goberno Central non.

Apenas hai vinte días que o noso Alcalde anunciou o inicio dos traballos na rotonda de Guillarei.

Unha infraestrutura vital para a mellora do tráfico en Guillarei, Baldráns, Paramos ou Caldelas. É unha intervención nunha via, a PO-404, na que as autoridades autonómicas terán aínda que traballar a reo debido a súa perigosidade. Agora ben, esta e a maior intervención nesta estrada dende o seu trazado.  

Non entrarei a valorar os detalles descritivos máis ala do custo que se eleva 316.400 euros, e que o anuncio de licitación produciuse en Xuño do ano pasado conforme o anuncio da Axencia Galega de Infraestruturas do 8 de febreiro de 2018 (clave PO/16/198.06).

Por tanto, en menos de un ano este Goberno Local logrou implicar a Consellería de infraestruturas na construción desta redonda, demandada desde facía máis dunha década polos veciños. As palas e os camión xa están desterrando e en catro meses nos libraremos dun punto negro da nosa circulación.

Esta claro co traballo relacional deste Goberno vai dando o seus froitos na Xunta, o cal amosa as dotes diplomáticas do Sr. Alcalde, iso si, recoñecendo a sensibilidade do inquilino actual de  Santiago.   

Outra cousa diferente e a actitude do Goberno Central. O desentendemento  cos afectados de Paramos está a ser un exemplo obxectivo de esa falta de compromiso con Tui, e iso co Sr. Padín intentouno por activa e por pasiva, de forma cordial, utilizando os procedementos administrativos adecuados, e cando se lle pecharon as portas, de forma reivindicativa, o cal funcionou mellor pero aínda non solucionou de todo o problema.     

Pero está claro que dous non bailan coando un non quere, e o Executivo Central do Partido Socialista, agora saínte, no quixo. Por riba o PSOE Local de Tui nin tocou a trompeta.

O 28 de abril teremos Eleccións Xeráis e os cidadáns españois decidiremos unha composición parlamentaria que súa vez derivará na elección dun Presidente e logo de todo a seu executivo. Pola outra banda, o 26 de maio os tudense afrontamos unhas Elección Municipais onde decidiremos goberno para os próximos catro anos. 

Estou seguro de que si  Sr. Carlos Vázquez Padín ten o honor de repetir na Alcaldía novamente  quererá e saberá bailar cas administracións pertinentes, estea quen estea na pista de baile: en Bruxelas, en Madrid, en Santiago ou en Pontevedra.  A ver si as parellas en outras institucións atópanse a altura.