Orgullo de pertencer a un gran proxecto.

Esta maña presentamos un parte importante dos candidatos da nosa lista as Eleccións Municipais do vindeiro mes de maio.

Foi nun acto sinxelo ante a prensa na Sala Félix do Área Panorámica, respondendo a nosa habitual política de transparencia ante a cidadanía sobre quen configuramos este proxecto.  

Teño que manifestar sentirme integrado entre uns excelentes compañeiros, empezando por suposto polo noso candidato con maiúsculas, Carlos Vázquez Padín.

Hoxe tamén materializouse oficialmente a incorporación da actual concelleira, Mila González, a nosa candidatura. Unha persoa con poderosas dotes executivas como ven amosando o longo deste ano e medio na área de Educación, e a reconfirmación de Eduardo Freiría, que está a traballar con gran compromiso en Patrimonio ou Cultura entre outras concellerías.       

Ademais Converxencia 21 de Tui nestes comicios experimenta  un salto cualitativo o presentar por primeira vez na súa historia a un candidato para a Entidade Menor de Pazos de Reis. Trátase de Emilio González Cruces, de 69 anos, veciño de enorme experiencia e coñecedor das necesidades desta pedanía.

Repiten nas listas, como non podía ser doutra forma, o nosas pedáneas Chus Guinde e Sonia Santos, se ben Sonia non puido comparecer no acto de hoxe por motivos ineludibles, e son novidade Mónica González Romero por Ribadelouro e Beatriz González Sousa, coñecida por Beatriz de Cleves, experta en comunicación e con unha capacidade de traballo estratosférica; a ámbalas dúas lles vaticino un gran éxito nos seus desempeños.

O longo das próximas semanas iremos desvelando a identidade dos demais compañeiros.

Graciñas a todos por contaxiarme desta paixón por Tui.

Na foto, de esquerda a dereita:  Emilio González Cruces, Beatriz Gonzalez de Sousa (de Cleves), Mila González, Carlos Vázquez Padín, Chus Guinde, Mónica González Romero, Eduardo Freiría y José Manuel Palacín.  

En prensa: Adiante Galicia